Margrét hefur starfað við myndlist og list og menningartengd verkefni frá árinu 2001.
Hún er stofnandi og framkvæmdastýra Listvinnslunnar, vettvangs sem vinnur að inngildingu í listum og menntun.
Margrét er kennari hjá Listvinnzlunni, hjá Fjölmennt, sí- og endurmenntunarmiðstöð fatlaðs fólks, og stundakennari við Listaháskóla Íslands.

Margrét hefur gegnt fjölmörgum störfum innan lista- og menningargeirans, meðal annars sem framkvæmdastýra og listrænn stjórnandi Listar án landamæra, deildarstýra myndlistarnáms fyrir fatlað fólk við Myndlistarskólann í Reykjavík, stjórnarkona hjá Safnasafninu á Svalbarðsströnd, í stjórn Listahátíðar í Reykjavík í 10 ár sem formaður og varaformaður 2 ár í seinn, og sat í stjórn Listar án landamæra í fjöldamörg ár .

Hún hefur haldið einkasýningar og tekið þátt í samsýningum, nú síðast í sýningunni Murr í Listasafni Reykjavíkur, auk þess að sýningarstýra og leiða fjölbreytta viðburði á sviði lista og menningar. Margrét hefur haldið fjölda erinda og fyrirlestra hérlendis og erlendis um inngildingu í listum, með sérstakri áherslu á tengsl lista, menntunar og fötlunar.

Margrét hefur kennt list og jóga fyrir börn og fullorðna á öllum aldri, auk þess sem hún hefur víðtæka reynslu af fundarstjórn, rýnivinnu og faglegum skrifum.

Margrét er með BA í Sjónlistum og M.A.-gráðu í listkennslu. M.A.-ritgerð hennar byggir á eigindlegri rannsókn á möguleikum fatlaðs fólks á sviði lista.

Hún hefur hlotið ýmsar viðurkenningar fyrir störf sín, þar á meðal einstaklingsverðlaun ÖBÍ – Öryrkjabandalags Íslands, Mannréttindaverðlaun Reykjavíkurborgar ásamt List án landamæra, Múrbrjót Landssamtaka Þroskahjálpar með Diplómanámi í myndlist og Listvinnzlunni, og Frikkann, heiðursverðlaun Átaks.

Margrét starfar í dag sem framkvæmdastýra, kennari og ráðgjafi hjá Listvinnslunni og heldur áfram að efla þátttöku allra í menningu og listum.